ہیڈراجگاں(نامہ نگار) قوم یوٹرن سٹار کو پویلین واپس بھیجنے کی تیاری کر چکی ہے،یوٹرن سٹار نے قوم کو کڑے امتحان میں ڈال دیا ہے، بدترین مہنگائی کے باعث پھیلنے والی غربت جرائم کو جنم دے رہی ہے، ناکافی سہولیات اور بھوک سے تنگ غریب عوام خودکشیاں کرنے پر مجبور ہیں ، ان خیالات کا اظہار مسلم لیگ (ن) پنجاب کے نائب صدرو سابق سنیٹر چودھری سعود مجید نے صحافیوںسے گفتگو کرتے ہوئے کیا ، انہوں نے مزید کہا کہ عمران خان نیازی کے ایک پاکستان کے نعرے کے غبارے سے بھی ہوا نکل گئی ہے، حکومت کے ہر فیصلے سے ثابت ہو رہاہے کہ ہر سطح پر دودو پاکستان ہیں،آٹا ،چینی بحران پیدا کرے والے مافیاز حکومتی صفوں میں بیٹھے ہیں، مافیا کا تعلق اگر اپوزیشن سے ہوتا تو اب تک وہ پکڑا جاتا، حکومت پر ناکامی پر عمران خان بوکھلاہٹ کا شکار ہو چکے ہیں، حکومت محب وطن اپوزیشن کو بلیک میل کرنے کی کوششوں میں مصروف ہے، ترجمانوں کا ٹولہ لیگی قائدین کی کردار کشی میں مصروف ہے ۔