انقرہ(این این آئی )ترکی کے نامور آرٹسٹ ہیمت ہیران انڈوں کے چھلکوں میں ہزاروں سوراخ بنانے کا ریکارڈقائم کر دیا ،میڈیارپورٹس کے مطابق ہیمت ہیران نے ایک انڈے کے چھلکے پر 12 ہزار سوراخ کر کے عالمی ریکارڈ بنانے کے ساتھ لوگوں کو بھی دنگ کر دیا۔ترکش آرٹسٹ 1988 میں ایک حادثے کے بعد معذور ہوگئے تھے اور انہوں نے اس معذوری کو اپنی کمزوری نا بننے دیا بلکہ انہوں نے اس معذوری کے ساتھ ہی انڈوں کے چھلکوں پر نقش نگاری کرنا شروع کر دی۔ان کا کہنا تھا کہ میں نے سب سے پہلے ایک پاکستانی آرٹسٹ کا ریکارڈ توڑا تھا جس کے بعد میں اپنے ہی بنائے ہوئے ریکارڈ توڑتا چلا گیا۔