ریاض (اے پی پی) سعودی عرب کی ننھی بچیوں نے پیانو سیکھنے کا عزم کیا اور اپنے اس عزم کوعملی جامہ پہنا دیا۔ 300 بچیوں نے انتہائی شوق اور ذوق کے ساتھ پیانو کی کلاسیں لیں۔ ان میں سے 10 نے کمال پیدا کرکے اعزاز بھی حاصل کیا۔عکاظ اخبار کے مطابق حال ہی میں سعودی عرب کے سکولوں میں میوزک کا مضمون شامل کیا گیا ہے۔ کسی کے وہم و گمان میں بھی نہ تھا کہ سعودی بچیوں میں یہ مضمون اتنی پذیرائی حاصل کرے گا اور یہ بات تو کوئی سوچ بھی نہیں سکتا تھا کہ ننھی بچیاں اس میں دلچسپی لیں گی اور ریکارڈ وقت میں پیانو بجانا سیکھ کر اعزاز حاصل کرلیں گی۔