لاہور(کلچرل رپورٹر)پاکستان ٹی وی انڈسٹری کے معروف اداکار احد رضا میرنے کہاہے کہ انہیں جانوروں کیساتھ کام کرنا پسند ہے۔تصویر اور ویڈیو شیئرنگ ایپ انسٹاگرام پر تصویر شیئر کی جس میں ان کے ہمراہ ایک کتا بھی دکھائی دے رہا ہے۔انہوں نے اپنی تصویر کے کیپشن میں لکھا کہ ’انہیں جانوروں کے ساتھ کام کرنا اچھا لگتا ہے۔انہوں نے یہ بھی لکھا کہ ’آپ سب کو یہ جان کر حیرت ہوگی کہ آپ کی محبت کے بدلے میں جانور آپ کو کتنی محبت دیتے ہیں۔انہوں نے کتوں کے ڈر و خوف میں مبتلا مداحوں کو مشورہ دیا کہ اگر وہ کتوں سے خوفزدہ ہیں تو انہیں تھوڑا سا جانیں، اور اس خوف سے چھٹکارا حاصل کرنے کی کوشش کریں۔واضح رہے کہ احد رضا میر اکثر پالتو کتوں کی تصویر شیئر کرتے نظر آتے ہیں۔ اس سے قبل ڈرامہ عہد وفا میں سابق ڈی جی ISPR میجر جنرل آصف غفور کا پالتو کتا ’زورو‘ سب کی توجہ کا مرکز بن گیا تھا۔