اسلام آباد(نا مہ نگار)وفاقی تعلیمی بورڈ نے ایس ایس سی اور ایچ ایس ایس سی کے سالانہ امتحانات کی تاریخوں کا اعلان کردیا ہے ۔یکم فروری کو وفاقی تعلیمی بورڈ سے جاری نوٹیفکیشن کے مطابق سیکنڈری سکول سرٹیفکیٹ(ایس ایس سی)اور ہائیر سیکنڈری سکول سرٹیفکیٹ (ایچ ایس ایس سی)کے سالانہ امتحان2021کے لئے تاریخوں کا اعلان کیا ہے جس کیمطابق ایس ایس سی کے سالانہ امتحان 20مئی 2021بروز جمعرات اور ایچ ایس ایس سی کے سالانہ امتحان 10جون 2021بروز جمعرات سے شروع ہوں گے نوٹیفکیشن کے مطابق وفاقی تعلیمی بورڈ ایس ایس سی اور ایچ ایس ایس سی کے سالانہ امتحان 2021میں پریکٹیکل امتحان نہیں لے گا اور پریکٹیکل امتحان کے نمبرز پروموشن پالیسی 2020کے مطابق دئیے جائیں گے ۔