کراچی ( نیوز رپورٹر)عثمان انسٹیٹیوٹ آف ٹیکنالوجی کے تحت سال برائے 2021 اسپرنگ کے لئے داخلے جاری ہے۔ خواہش مند طلبہ 17 فروری 2021 تک داخلہ فارم آن لائن جمع کروا سکتے ہیں۔ طلبہ تمام معلومات بمعہ آن لائن داخلہ فارم اور پراسپیکٹس کے حصول کے لئے ویب سائیٹ (www.uit.edu) پر دیکھ سکتے ہیں۔ بیچلرز پروگرام میں کمپیوٹر سائینس اور سافٹ ویئر انجینئرنگ کے شعبہ جات شامل ہیں۔ داخلہ فارم کامیابی سے بھرنے والے طلبہ کے لئے ایڈمٹ کارڈز بھی آن لائن ہی موجود ہوں گے۔ فارم جمع کروانے والے طلبہ کا داخلہ ٹیسٹ 20 فروری 2021 کو این ای ڈی یورنیورسٹی میں منعقد کیا جائے گا۔  پچھلے سال این ای ڈی یونیورسٹی کا ٹیسٹ پاس کرنے والے طلبہ بنا کوئی ٹیسٹ دیئے داخلہ لینے کے اہل ہوں گے۔ جبکہ پری میڈیکل کے طلبہ سائینسز پروگرام میں داخلے کے اہل ہیں۔