پاکستان اور جنوبی افریقہ کی ٹیموں کے درمیان3 ٹی ٹونٹی میچز کی سیریز قذافی سٹیڈیم لاہور میں کھیلی جائے گی

لاہور(سپورٹس رپورٹر) پاکستان اور جنوبی افریقہ کی ٹیموں کے درمیان تین ٹی ٹونٹی میچز کی سیریز قذافی سٹیڈیم لاہور میں کھیلی جائے گی۔ لاہور میں ہونے والے میچز کے دوران سیکورٹی انتظامات کا جائزہ لینے کے لیے خصوصی اجلاس پی سی بی ہیڈکوارٹر لاہور میں منعقد ہوا۔ اجلاس میں اعلی سیکیورٹی حکام اور پی سی بی حکام نے شرکت کی اور انتظامات کوع حتمی شکل دی۔ اجلاس میں پاک جنوبی افریقہ سیریز کے انتظامات کا جائزہ لیا گیا۔ اجلاس میں پاکستان اور جنوبی افریقہ کی ٹیموں کے کھلاڑیوں کی پریکٹس اور انہیں ہوٹل سے سٹیڈیم اور سٹیڈیم سے ہوٹل واپس پہنچانے کے تمام انتظامات کا جائزہ لیا گیا۔ پاکستان اور جنوبی افریقہ ٹی ٹونٹی سکواڈ کے کھلاڑی کل بروز بدھ بائیو سیکور ببل کو جوائن کریں گے جبکہ پنڈی میں ٹیسٹ سیریز کے دوسرے میچ کے لیے مصروف ٹی ٹونٹی سکواڈ کے کھلاڑی ٹیسٹ میچ کے اختتام پر لاہور میں کھلاڑیوں کو جوائن کرینگے۔ پاکستان اور جنوبی افریقہ کی ٹیموں کے درمیان تین ٹی ٹونٹی سیریز کے میچز 11، 13 اور 14 فروری کو قذافی سٹیڈیم لاہور میں کھیلے جائیں گے۔