اشنا شاہ کی اپنے نئے کتے کے ساتھ ساحل سمندر پر تصاویر وائرل

 معروف اداکارہ اشنا شاہ اپنے کتے پٹ بل کے ساتھ ساحل سمندر پہنچ گئیں۔ گزشتہ دنوں اداکارہ اشنا شاہ کے پالتو کتیاآڈری مرگئی تھی جس کے بعد انہوں نے اس کی تدفین بھی کی تھی۔ اداکارہ نے آڈری کی تصاویر بھی شیئر کی تھیں جس میں اس کا خالی بستر بھی تھا۔ اب اداکارہ اپنے نئے پٹ بل نسل کے کتے کے ساتھ فرنچ بیچ پہنچی جہاں بچے بھی ان کے کتے کے ساتھ کھیلتے رہے۔ اداکارہ نے کتے کے حوالے سے ایک طویل پوسٹ کی ہے جس میں پٹ بل کی خصوصیات بیان کی ہیں۔ پٹ بل کی نسل کے کتوں کو خطرناک مانا جاتا ہے تاہم اداکارہ نے کہا کہ یہ کتے بہت ہی شریف اور پیار کرنے والے ہوتے ہیں، اگر کسی خطرناک پٹ بل سے آپ کا سامنا ہوا ہے تو اس میں کتے کی غلطی نہیں یہ مالک کا عکس ہوگا جو کتے نے ظاہر کیا۔