لاہور (وقائع نگار) لاہور میں چوری و ڈکیتی کی متعدد وارداتوں میں شہریوں سے لاکھوں روپے، زیورات، موبائل فون، موٹر سائیکلوں اور گاڑیوں سمیت دیگر قیمتی سامان چھین لیا گیا۔ تفصیلات کے مطابق ڈکیتی، راہزنی کی متعدد وارداتوں میں غازی آباد کے علاقہ میں 6 لاکھ 70 ہزار، مصطفیٰ ٹاؤن میں ڈاکوؤں نے گھر میں گھس کر 4 لاکھ 55 ہزار، ملت پارک میں 2 لاکھ 90 ہزار، گجرپورہ کے علاقہ میں  2 لاکھ 15 ہزار، کوٹ لکھپت میں ایک لاکھ روپے نقدی، طلائی زیورات اور دیگر سامان لوٹ لیا۔ مغلپورہ میں ڈاکوؤں نے 45 ہزار نقدی اور موبائل فون، سرور روڈ کے علاقہ میں30 ہزار کی نقد ی اور موبائل فون، مصطفی ٹاؤن کے علاقہ میں 10 ہزار کی نقدی زیورات اور دیگر سامان چھین لیا۔ جبکہ وحدت کالونی، گجر پورہ اور ہیئر سے گاڑیاں اور ہربنس پورہ، قلعہ گجر سنگھ، اچھرہ اور کاہنہ سے موٹر سائیکلیں چوری ہو گئیں۔
ڈاکے