کراچی:پاکستان سپر لیگ سیزن 7میں شرکت کیلئے انگلینڈ کے 6 کرکٹرز آج کراچی پہنچیں گے۔کوئٹہ گلیڈی ایٹرز نے انگلینڈ کے ڈین لارنس کو ٹیم سے ریلیز کردیا ۔
انگلینڈ کے کرکٹرز ویسٹ انڈیز کیخلاف سیریز میں شرکت کے بعد پاکستان پہنچ رہے ہیں۔پی ایس ایل کھیلنے کیلئے آنے والے کھلاڑیوں میں جیمز وینس، جیسن روئے، فل سالٹس، ثاقب محمود، ہیری بروکس اور کرس جارڈن شامل ہیں۔کوئٹہ گلیڈی ایٹرز میں جزوی متبادل کے طور پر شامل انگلینڈ کے ڈین لارنس کو ٹیم سے ریلیز کردیا گیا ہے۔
خیال رہے کہ پاکستان سپر لیگ ایڈیشن 7 میں دلچسپ میچز کا سلسلہ نیشنل اسٹیڈیم کراچی میں7 فرری تک جاری رہے گا جبکہ دوسرے مرحلے کے لیے لاہور میں میچز 10 فروری سے شروع ہوں گے اور فائنل 27 فروری کو کھیلا جائے گا۔لاہور میں ایونٹ کے دوسرے مرحلہ کے لیے نشتر پارک اسپورٹس کمپلیکس اور اس کے اطراف میں تیاریاں شروع کردی گئیں، جہاں صفائی ستھرائی اور تزین و آرائش کا کام بھی تیز کر دیا گیا ہے۔اسٹیڈیم کے اطراف میں اضافی لائٹس، گاڑیوں کی پارکنگ کی نشاندہی اور سڑکوں پر پینٹ کیا جارہا ہے ،ٹریفک لائنز بھی لگا دی گئیں اور فٹ پاتھس بھی رنگ دیے گئے۔لاہور میں 27 فروری کو ہونے والے فائنل سمیت 19 میچز کھیلے جائیں گے۔