ہیٹی ، طوفانی بارشوں کے باعث سیلاب سے 4 افراد ہلاک، ایک لاپتہ

کیریبین ملک ہیٹی میں طوفانی بارشوں کے باعث آنے والے سیلاب سے 4 افراد ہلاک اور ایک لاپتہ ہو گیا ہے۔ فرانسیسی خبررساں ادارے نے ہیٹی کے حکام کے حوالے سے بتایا کہ ملک میں حالیہ دنوں میں شدید بارشوں سے آنے والے سیلاب نے 20 اضلاع کو متاثر کیا جس سے 2500 گھر سیلاب کی زد میں آئے جن میں سے 3 مکمل طور پر تباہ ہو گئےہیں ۔     حکام نے ملک کے شمال مغرب میں 3اموات اور ایک شخص کے لاپتہ ہونے کی اطلاع دی ہے جبکہ سول ڈیفنس حکام کا کہنا ہے کہ چوتھی ہلاکت شمال مشرقی علاقے میں ہوئی ۔