گوجرانوالہ(نمائندہ خصوصی )مہمند لویہ جرگہ گوجرانوالہ کے زیر اہتما م سویڈن،ہالینڈکی جانب سے توہین قرآن پاک پر احتجاجی ریلی نکالی گئی ،ریلی اڈا گوندلانوالہ سے شروع ہوکر پریس کلب ماڈل ٹائون میں جاکر اختتام پزیر ہوئی ، شرکاء  سے خطاب کرتے ہوئے امان ولی خان، نورزمان مہمند،آ صف مغل ،قائم مقام سٹی صدر سنی تحریک عطا الرحمن صافی، خان زمان مہمند، علی حیدر صا فی ، رئوف امیر خان ، نصراللہ خان ،نادر خا ن مہمند، زرلا ل خان صافی ،جوہر خان اور حبیب خان نے کہا کہ توہین قرآن آزادی اظہار نہیں بلکہ عالمی دہشتگردی ہے جس سے دنیابھرکے مسلمانوں کے جذبات مجروح ہوئے، بین المذاہب ہم آہنگی کا درس دینے والے عالمی امن کے ٹھیکیدار قرآن پاک کی بے حرمتی پر خاموش کیوں ہیں،انہوں نے مطالبہ کیا کہ مسلم حکمران اقوام متحدہ میں انسدادِ توہین مذہب کی قانون سازی کرائیں تاکہ آئندہ کوئی ناپاک جسارت نہ کرسکے۔