شیخوپورہ(نمائندہ خصوصی)پیپلزپارٹی پنجاب کے قائمقام صدر رانا فاروق سعید کی ہدایت پر پیپلزپارٹی کے ڈویژنل نائب صدر چودھری منیر قمر واہگہ نے پارٹی کے ضلعی سینئر نائب صدر چودھری خالق عزیز ورک کے ہمراہ مانانوالہ میں پارٹی کے دیرینہ کارکن امجد شکیل راہی سے ملاقا ت کر کے انکی خیریت دریافت کی جو گذشتہ تین ماہ سے جگر کے عارضہ میں مبتلا ہیں اس موقع پر گفتگو کرتے چودھری منیر قمر واہگہ نے کہاکہ امجد شکیل راہی پیپلزپارٹی کا قیمتی سرمایہ واثاثہ ہیں انکے علاج ومعالجہ پر اٹھنے والے اخراجات کیلئے پارٹی چیئرمین بلاول بھٹو زرداری کیساتھ بات چیت کی جارہی ہے ۔