ذرائع نے بتایا ہے کہ قومی ٹیم کے سابق ہیڈ کوچ مکی آرتھر جاری بات چیت میں طے پایا ہے کہ ان کی عدم موجوگی میں یاسر عرفات ہی قومی ٹیم کی کوچنگ کے فرائض سرانجام دیں گے، پی سی بی نے یاسر عرفات کو قومی ٹیم کے باؤلنگ کوچ کی ذمہ داریاں سونپنے پر بھی آمادگی کا اظہار کیا ہے، جلد یاسر عرفات کی بطور باؤلنگ کوچ تعیناتی کا اعلان کردیا جائے گا، سابق آل راؤنڈر یاسر عرفات کا نام مکی آرتھر نے بولنگ کوچ کے لیے تجویز کیا ہے۔واضح رہے کہ راولپنڈی سے تعلق رکھنے والے یاسر عرفات ریئائرمنٹ کے بعد سے اہلخانہ کے ہمراہ انگلینڈ میں مقیم ہیں، سابق آل راونڈر نے 3 ٹیسٹ، 11 ون ڈے اور 13 ٹی20 میچز میں پاکستان کی نمائندگی کی ہے۔انگلینڈ اینڈ ویلز کرکٹ بورڈ سے حال ہی میں لیول فور کوچنگ کا امتحان پاس کرنے والے یاسر عرفات انگلش کاونٹی کرکٹ میں سب سے زیادہ وکٹیں لینے کا اعزاز اور مختلف ٹیموں کے ساتھ کوچنگ کا بھی وسیع تجربہ رکھتے ہیں۔