لاہور (نوائے وقت رپورٹ) سابق وزیراعلی پنجاب حمزہ شہباز نے لاہور کے سابق  یو سی چیئرمینوں سے ملاقات کے دوران  کہا کہ مسلم لیگ ن سے تعلق رکھنے والے اپنے اپنے حلقوں میں ویسے ہی ریلیاں نکالیں جیسی میں نے اور قائد نواز شریف نے نکالی ہیں تاکہ مسلم لیگ ن کا پیغام گھر گھر پہنچایا جا سکے اور لوگوں کو شیر کو ووٹ دینے کے لئے باور کروایا جائے۔ انہوں نے کہ اتحادی حکومتوں میں عوام کی فلاح کے فیصلے کرنے میں ویسی آزادی نہیں ہوتی اور وقت اتحادی معاملات میں ہی گزر جاتا ہے۔ انہوں نے کہا ہمیں ایک ایک ووٹ پر پہرا دینا ہو گا۔ لاہور کی جیت پنجاب کی پَگ ہوتی ہے۔  انہوں نے کہا  کہ اللہ کے فضل سے مسلم لیگ ن لاہور اور پورے پنجاب میں شاندار طریقے سے جیتے گی۔