انتخابات میں ن لیگ آسانی سے 100 سیٹیں جیت لے گی: لیگی رہنما 

لاہور؍ نارووال (نوائے وقت رپورٹ) مسلم لیگ ن کے سینئر رہنما احسن اقبال نے دعویٰ کیا ہے کہ ن لیگ بہت آسانی کے ساتھ پنجاب میں 100 سیٹوں کا سنگ میل عبور کرے گی۔ لوگ سمجھ چکے ہیں کہ ملک کے استحکام کیلئے کوئی جماعت ہے تو ن لیگ ہے۔ نجی ٹی وی سے گفتگو کرتے انہوں نے کہا کہ ہماری اتحادی جماعتوں کی طاقت  بھی ہماری طاقت ہو گی۔ یہ ایسی مخلوط حکومت ہو گی جس میں اکثریت ن لیگ کی ہوگی۔ رہنما مسلم لیگ ن خواجہ سعد رفیق نے حلقہ این اے 122 کے علاقے چونگی امرسدھو میں کارنر میٹنگ  میں خطاب کرتے ہوئے کہا کہ حب بھی آپ نے ہمیں اپنے ووٹ سے سرفراز کیا ہم نے آپ کا ووٹ ضائع نہیں کیا۔ ابھی بھی بہت کچھ کرنا باقی ہے۔ جو کام رہ گئے  مکمل کریں گے۔ آٹھ فروری  انتخابات پاکستان کی قسمت کے فیصلے کا الیکشن ہے۔ الیکشن 24 کروڑ عوام کے پاکستان کی سمت کا تعین کرے گا۔