لاہور(سپورٹس رپورٹر)پاکستان اور بھارت کے درمیان ڈیوس کپ گروپ ون ٹائی کے ڈراز آج (جمعہ)کو نکالیں جائینگے۔ پاکستان‘بھارت ڈیوس کپ ٹا ئی تین اور چار فروری کو پاکستان سپورٹس کمپلیکس اسلام آباد میں شیڈول ہے جس میں شرکت کیلئے انڈین ٹینس ٹیم کے پانچ پلیئرز اور پانچ آفیشلز پہلے ہی پاکستان پہنچ چکے ہیں۔ ڈیوس کپ ٹائی میں پاکستان‘ بھارت کھلاڑیوں کے میچز شیڈول دینے کیلئے ڈراز آج جمعہ کو اسلام آباد کے مقامی ہوٹل میں ہونگے جہاں دونوں ممالک کے کھلاڑی میڈیا سے بات چیت بھی کرینگے۔