شہروز کاشف کی دستاویزی فلم ''Above the Sleeping Giant'' کا پریمیئر

لاہور(سپورٹس رپورٹر)بارڈفاؤنڈیشن کے زیر اہتمام، شہروز کاشف کی دستاویزی فلم، ''Above the Sleeping Giant'' کا پریمیئرلاہور میں ہوا۔ دستاویزی فلم میں دنیا کی 14 بلند ترین چوٹیوں میں سے 13 کو فتح کرنیوالے دنیا کے سب سے کم عمر پاکستانی کوہ پیما شہروز کاشف کی غیر معمولی اوڈیسی کو منظر عام پر لایا گیا ہے۔ دستاویزی فلم، عالمی سطح پر سامعین کو متاثر کرنے کیلئے تیار کی گئی ہے جو شہروز کی ریکارڈ توڑ کامیابیوں اور چیلنجوں، اس کے ثابت قدمی، ہمت اور خوابوں کے حصول کے طاقتور پیغام کا اشتراک کرتی ہے۔ عبدالرزاق داؤد نے کہا کہ فاؤنڈیشن سے وابستہ ناموں نے ہمیں ہمیشہ بے پناہ فخر سے بھر دیا ہے۔مہرین داؤد نے کہاکہ شہروز نے ملک کو بے پناہ فخر پہنچایا ہے۔