اسلام آباد(اپنے سٹاف رپورٹر سے)تھانہ کورال کے علاقے ایکسپریس وے پرنامعلوم موٹر سائیکل سواروں نے گاڑی پر فائرنگ کر دی باپ بیٹا زخمی ہوگئے پولیس نے بتایا کہ راجہ صفدر اپنے بیٹے بلال صفدر کے ہمراہ اپنی گاڑی میں جا رہے تھے کہ موٹرسائیکل سواروں نے فائرنگ کر دی جس سے دونوں باپ بیٹا زخمی ہوگئے جنہیں فوری طبی امداد کیلئے ریسکیو 1122نے ہسپتال منتقل کردیا پولیس کے مطابق ابتدائی طور پر معاملہ ذاتی دشمنی کا بتایا جارہا ہے سیف سٹی کیمروں و دیگر ذرائع سے ملزمان کی گرفتاری کا تحرک جاری ہے پولیس کے سینئر افسران موقع پر موجود تھے وقوعہ کے متعلق مزید تفتیش جاری ہے۔