پاک فوج کے شعبہ تعلقات عامہ کی جانب سے جاری کردہ بیان کے مطابق بلوچستان کے علاقے مچھ اور کولپور میں سیکیورٹی فورسز کا کلیرنس آپریشن مکمل کرلیا گیا ہے۔ تفصیلات کے مطابق  29/30 جنوری 2024 کی رات، دہشت گردوں نے بلوچستان میں مچھ اور کولپور کمپلیکس پر حملہ کیا۔ سیکورٹی پر تعینات قانون نافذ کرنے والے اداروں نے سخت مزاحمت کی اور حملہ آوروں کو پسپا ہونے پر مجبور کیا۔ ان دہشت گردوں کو اس کے بعد آنے والے سینیٹائزیشن اور کلیئرنس آپریشنز میں تلاش کیا گیا تھا جو اب علاقے کو کلیئر اور محفوظ بنانے کے بعد مکمل کیا گیا ہے۔فائر فائٹ اور سینیٹائزیشن/کلیئرنس آپریشنز کے دوران، پچھلے تین دنوں میں، چوبیس دہشت گردوں کو جہنم میں بھیج دیا گیا ہے۔ ہلاک ہونے والوں میں دہشت گرد شہزاد بلوچ، عطا اللہ، صلاح الدین، عبدالودود اور ذیشان اہم دہشت گرد ہیں۔ باقی دہشت گردوں کی شناخت کا عمل جاری ہے۔سیکیورٹی فورسز کے دہشت گردوں سے فائرنگ کے تبادلے اور کلیئرنس آپریشن میں مجموعی طور پر 24 دہشت گرد مارے گئے۔تاہم فائرنگ کے شدید تبادلے کے دوران قانون نافذ کرنے والے اداروں کے چار بہادر ارکان نے بہادری سے لڑتے ہوئے دو معصوم شہریوں کے ساتھ شہادت کو گلے لگا لیا۔ آئی ایس پی آر نے کہا ہے کہ قانون نافذ کرنے والے اداروں کا موثر جواب دہشت گردی کے خلاف جنگ میں ان کے بے لوث عزم کا ثبوت ہے۔ پاکستان کی سیکورٹی فورسز امن کو یقینی بنانے کے لیے دیگر قانون نافذ کرنے والے اداروں کے ساتھ کندھے سے کندھا ملا کر کھڑی ہیں۔