بنوں ( این این آئی) خیبر پی کے انٹر ڈسٹرکٹ سینئرز/ جونیئرز بیڈمنٹن چیمپئن شپ کل جمعرات سے شروع ہوگی۔ بنوں ڈسٹرکٹ بیڈمنٹن ایسوسی ایشن کے سیکرٹری جنرل پیر اسد اللہ شاہ نے جناح سپورٹس کمپلیکس میں پریس کانفرنس سے خطاب کے دوران کہا کہ 3جنوری سے 6 جنوری تک جناح سپورٹس کمپلیکس میں خیبر پی کے انٹر ڈسٹرکٹ سینئرز/ جونیئرز بیڈمنٹن چیمپئن شپ ہوگی۔ 3جنوری سے 4جنوری تک لوکل ڈسٹرکٹ جبکہ 5 جنوری سے 6 جنوری تک انٹر ڈویژنل مقابلوں کا انعقاد ہوگا- انہوں نے کہا کہ اس سلسلے میں صوبہ بھر کی اضلاعی ایسوسی ایشنز کو تحریری طور پر مراسلے ارسال کئے جا چکے ہیں۔