لاہور(سپورٹس رپورٹر)ماڈل ٹاﺅن وائٹس نے دوستانہ کرکٹ میچ میں لاہو رایگلیٹس کلب کو149رنز کے مارجن سے مات دی۔ماڈل ٹاﺅن وائٹس کرکٹ گراﺅنڈ پر کھیلے گئے میچ میں میزبان ٹیم نے ٹاس جیت کر پہلے بیٹنگ کرتے ہوئے مقررہ 30 اوروں میں 6 وکٹوں کے نقصان پر 291 رنز بنائے، نوید ملک 107 اور محمد سعد 48 رنز کا مجموعہ سکور بورڈ پر سجانے میں کامیاب ہوئے،مد مقابل ٹیم کی جانب سے محمد عمران نے 3 کھلاڑیوں کو پویلین کی راہ دکھائی۔جواب میں لاہور ایگلیٹس کی ٹیم142 رنز بنا کر آﺅٹ ہوگئی، معین احمد 43 رنز کے ساتھ نمایاں رہے، ان کے علاوہ کوئی بھی بلے باز وکٹ پر زیادہ دیر نہ ٹھہر سکا، فاتح ٹیم کی جانب سے محمد زبیر 5 اور مقیط احمد 3 وکٹیں لینے میں کامیاب ہوئے۔