سڈنی (اے پی پی) آسٹریلیا اور سری لنکا کے درمیان سڈنی ٹیسٹ کے موقع پر تماشائی آنجہانی کپتان ٹونی گریگ اور ریٹائرمنٹ کا اعلان کرنے والے مایہ ناز بلے باز مائیکل ہسی کو ان جیسی وضع قطع اختیار کرکے خراج تحسین پیش کریں گے۔ آسٹریلیا اور سری لنکا کے درمیان تیسرا اور آخری ٹیسٹ کل جمعرات سے سڈنی کرکٹ گراﺅنڈ میں شروع ہوگا۔ آسٹریلیا کے سابق کپتان اور کمنٹیٹر ٹونی گریگ گزشتہ ہفتے 66 برس کی عمر میں دل کا دورہ پڑنے سے انتقال کر گئے تھے ۔