کراچی کے شہریوں کے لیے دو ہزارتیرہ کا سورج بھی امن کی نوید نہ لاسکامزید نو افراد دہشت گردی کی بھینٹ چڑھ گئے۔

تازہ واقعات میں گلشن اقبال میں نامعلوم افراد کی فائرنگ سے ایک شخص دم توڑ گیا جبکہ اسی علاقے میں منگل کے روز سیکیورٹی کمپنی کے گارڈ ریاض کو بھی فائرنگ کرکے قتل کردیا گیا۔ خاموش کالونی کے علاقے میں مسلح موٹرسائیکل سواروں نے فائرنگ کرکے عبدالرزاق نامی شخص کوموت کے گھاٹ اتاردیا جبکہ پرانا گولیمارمیں بھی عمران نامی شخص دہشت گردوں کی گولیوں کا نشانہ بنا۔ادھر لیاری آگرہ تاج کالونی سے بھی ایک شخص کی تشدد زدہ لاش ملی ہے جبکہ سائیٹ ایریا میں مسلح افراد کی فائرنگ سے فیض الرحمان نامی پولیس اہلکارہلاک ہوگیا۔ کورنگی ضیاء کالونی میں بھی فائرنگ سے ایک شخص کوقتل کردیا گیا جبکہ شیرشاہ کے علاقے سے دس روز پرانی لاش ملی ہے۔دوسری جانب سہراب گوٹھ میں نعمت اللہ کو فائرنگ کرکے قتل کردیا گیا جبکہ اورنگی ٹاون بخاری کالونی سے دو کلو وزنی بم برآمد ہوا جس میں ڈیٹونیٹر، چاربیٹریاں اور ریموٹ کنٹرول ڈیوائس نصب تھی، بم ڈسپوزل اسکواڈ نے بم کوناکارہ بنا دیا۔