بنارس پل کے نزدیک پولیس اہلکاروں نے لوٹ مارکرنے والے افراد کو روکنے کی کوشش کی تو انہوں نے فائرنگ کردی جس کے نتیجے میں کانسٹیبل رضوان اور نعیم دم توڑ گئے۔ادھرکورنگی حسن گوٹھ کےقریب قبرستان سے ایک لاش ملی ہے، پولیس کےمطابق مقتول کو فائرنگ کرکے ہلاک کیا گیا تاہم اس کی شناخت نہیں ہوسکی۔ فشریز کے علاقے سے بھی ایک شخص کی پانی میں ڈوبی لاش ملی ہے جبکہ بغدادی تھانے کی حدود میں مسلح افراد نےکار پر فائرنگ کردی جس کےنتیجے میں لیاری جنرل اسپتال کے ڈاکٹر کا بیٹا جمال جاں بحق اور حیدر زخمی ہوگیا۔ دوسری جانب پولیس نے مختلف علاقوں میں کارروائی کرتے ہوئے چودہ ملزمان کو گرفتار کرکےانکےقبضےسےاسلحہ برإٓمد کرلیا۔