لاہور (کلچرل رپورٹر) پاکستان سنگرز ایسوسی ایشن نے ون مین شوکے سینئرکامیڈین اعجازگوریلاکے انتقال پرگہرے دکھ کا اظہار کیا ہے۔ گلوکارانوررفیع ،ترنم ناز،حسین بخش گلو،نثاربٹ ،شفاعت اعوان اوردیگرفنکارو ں کاکہناتھاکہ پچاس برس تک فن کی خدمت کرنے والے فنکاراعجازگوریلابے یار ومددگار اس جہاں سے رخصت ہوگئے ۔حکومت نے ان کی مدد نہیں کی ۔انہوں نے چاربرس قبل حکومت پنجاب کووظیفے کیلئے درخواست دی تھی ۔وہ بے روزگاری اورکمسپرسی سے پریشانی کے باعث دل کے عارضے میں مبتلاہوچکے تھے اورو ہ علاج کیلئے حکمرانوں کے پیچھے پھرتے رہے لیکن ا ن کی شنوائی نہ ہوئی اوروہ علاج نہ ہونے کی وجہ سے اس دنیاسے کوچ کرگئے ۔