کوسٹاریکا میں چھوٹا طیارہ گر کر تباہ، 12 افراد ہلاک

لندن+سڈنی (صباح نیوز+ایجنسیاں)کوسٹاریکا میں چھوٹا طیارہ گرکر تباہ ہو گیا۔حادثے میں 12 افرادہلاک ہو گئے۔ تباہ ہونے والے طیارے میں 10 امریکی بھی سوار تھے۔مرنے والے افراد میں پانچ کا تعلق ایک ہی خاندان سے ہے ، شاہدین کے مطابق طیارہ ٹیک آف کرنے کے تھوڑی دیر بعد ہی قریبی جنگل میں گر ا اور اس کے بعد دھویں کے بادل دکھائی دیئے ۔ حادثے کی اطلا ع ملتے ہی ریسکیو اہلکاروں کو اطلا ع دی گئی جنہوں نے موقع پر پہنچ کر آگ بجھانے کی کوششیں شروع کر دیں۔طیارہ حادثے کی اطلاع ملتے ہی ملک کی فضا سوگوار ہو گئی ۔