لاہور (نامہ نگار) شہرکے مختلف علاقوں میںڈاکوئوں اور چوروں نے وارداتوں کے دوران متعدد شہریوں سے لاکھوں مالیت کی نقدی، طلائی زیورات،موبائل فون، گاڑیاں ، موٹر سائیکلیں اور دیگر سامان لوٹ لیا جبکہ مزاحمت کرنے پر ایک شخص کو پسٹل کے بٹ مار کر زخمی کردیا ہے۔ ستوکتلہ میں دو ڈاکوؤں نے ماجد خان کے جنرل سٹورمیں گھس کر 2لاکھ 90ہزار نقدی لوٹ لی جبکہ ڈاکوؤں نے مزاحمت کرنے پر ماجد کوپسٹل کے بٹ مار کر زخمی کردیا اور فرار ہو گئے۔ ڈاکوؤں نے مز نگ میں شاہد کے اہلخانہ کو گن پوائنٹ پر یرغمال بنا کر 4لاکھ مالیت، قلعہ گجر سنگھ میں اعجا ز کے گھر سے2لا کھ10ہزار مالیت،شا دباغ میں اخترکے گھر سے ایک لا کھ90ہزار روپے مالیت کی نقدی، طلائی زیورات،موبائل فون اور دیگر سامان، ما ڈل ٹا ئو ن کے علا قہ میں یاسر کی فیملی سے ایک لاکھ 20ہزار مالیت، وحدت کالونی میں مبین کہ فیملی سے ایک لا کھ مالیت کی نقد ی،زیوارت اور مو با ئل فو ن ،مسلم ٹا ئو ن میںسر ور سے90ہز ار روپے اور مو با ئل فو ن، ڈیفنس اے میں وسیم کے سٹور سے ایک لاکھ 13ہزار روپے ،شاہدرہ میں عمران سے ایک لاکھ روپے اور موبائل فون لوٹ لیا ہے ۔چوروں نے مناواں میں عرفان کے دفتر میں سے 73لاکھ روپے مالیت کی نقدی و دیگر سامان ،ہربنس پو رہ میں محسن بشیر کے گھر سے 20لاکھ مالیت کی نقدی،زیورات و دیگر سامان جبکہ کاہنہ میں محمود کی دکان سے 10لاکھ مالیت کی نقدی و دیگر سامان چوری کر لیا ہے۔ چوروں نے ہربنس پورہ میںسے ند یم،شا دباغ سے قمر کی کاریں جبکہ بادامی باغ سے افضال،شاہدرہ میں عمران، مغلپورہ میں راحیل،قلعہ گجر سنگھ میں محبوب،ساندہ میں اشفاق،نواب ٹائون میں رشید،سبزہ زار میں عمران،ہیئر میں حسین،فیکٹری ایریا میں افتخار،ڈیفنس اے میں رزاق،ڈیفنس اے میں کاشف،سرور روڈ سے نایاب،جوہرٹائون میں علی احمد کی موٹر سائیکلیں چوری کر لی ہیں۔