خیبر پی کے حکومت نے تلور کے شکار کیلئے عرب شہزادوں کو اجازت دینے سے انکار کردیا

پشاور ( آن لائن)خیبر پی کے حکومت نے تلور کے شکار کے لئے خلیجی ممالک کے شہزادوں کو اجازت دینے سے انکار کردیا ہے۔ گزشتہ سال بھی خیبر پی کے حکومت نے اجاز ت دینے سے انکار کیا تھا اور موقف اختیارکیاتھا کہ تلور سمیت دیگر اہم پرندوں کی افزائش نسل کیلئے صوبائی حکومت اہم اقدامات کر رہی ہے عرب شہزادوں کو نایا ب پرندوں تلور کے شکار کے لئے وفاقی حکومت سے سندھ اور بلوچستان کے لئے پرمٹ جاری کئے ہیں۔پنجاب ، سندھ ، بلوچستان نے اجازت دی ہے تاہم صوبائی حکومت اپنے موقف پرڈٹی ہو ئی ہے۔