مری(نامہ نگارخصوصی) نیوائیر نائٹ کے موقع پر بجلی کی کئی گھنٹے غائب رہی جسکے باعث مال روڈ پر منچلوں نے اودھم مچائے رکھا ۔معمولی سی خرابی کودرست کرنے میں واپڈا مری نے غفلت کا مظاہرہ کیا ۔ بے پناہ رش کے باعث گپ اندھیرے میں سیاح فیملیاں خوف وہراس کا شکار دکھائی دیں۔ایسے میں جب تمام اداروں کو مکمل الرٹ رہنے کی واضع ہدایت کی گئی تھیںسب ڈویثرن پنڈی پوائنٹ مری کے ذمہ داران رابطہ کے نمبر بند کرکے نیند کے مزے لیتے رہے ۔ اس صورتحال پر تاجربرادری ،سیاحوں اور شہریوں نے شدید احتجاج کرتے ہوئے وفاقی وزیر توانائی ،چیئرمین واپڈا اور دیگر اعلیٰ حکام سے فوری نوٹس لینے کا مطالبہ کیا ہے۔