میشا زویرو اور جوہانا کونٹا نے برسبین انٹرنیشنل کا پہلا مرحلہ عبور کر لیا

برسبین (اے پی پی) میشا زویرو، رائن ہیریسن، جوہانا کونٹا اور علینا سوٹولینا نے برسبین انٹرنیشنل کا پہلا مرحلہ عبور کر لیا۔ تفصیلات کے مطابق برسبین میں جاری مینز سنگلز مقابلوں کے ابتدائی رائونڈ میں جرمنی کے میشا زویرو نے آسٹریلیا کے جان پیٹرک سمتھ کو دلچسپ مقابلے کے بعد 6-4 اور 7-5 سے شکست دی۔ امریکا کے رائن ہیریسن نے ارجنٹائن کے لیونارڈو میئر کو 6-4 ، 3-6 اور 6-2 سے ہرایا۔ ویمنز سنگلز کے پہلے مرحلے میں برطانیہ کی جوہانا کونٹا نے امریکا کی میڈیسن کی کو 4-6 ، 6-4 اور 6-3 سے زیرکیا۔