لاہور(پ ر)قائداعظم بین الصوبائی گیمز میں پنجاب دانش سکولز کے طلبہ و طالبات نے شاندار کارکردگی کا مظاہرہ کرتے ہوئے تین گولڈ میڈل اور ایک سلور میڈل حاصل کیا ہے۔گیمز میں دانش سکول کی طالبہ سنینا شاہین نے لانگ جمپ میں گولڈ میڈل حاصل کیا وہ پنجاب کے کھلاڑیوں کے دستے میںگولڈ میڈل حاصل کرنے والی کم عمر طالبہ ہیں ۔پنجاب کی فٹ بال ٹیم میں شامل دانش سکول کی مہرین گل اور سعدیہ پروین نے گولڈ میڈل حاصل کیا۔جبکہ دانش سکول کے محمد قیوم نیٹ بال میں سلور میڈل حاصل کرنے والی ٹیم کا حصہ تھے۔ایم ڈی دانش سکولز اتھارٹی بریگیڈئر (ر) عامر حفیظ نے کھیلوں میں نمایاں کامیابی حاصل کرنے پر طلبہ انکے پرنسپلزاور کوچز کومبارکباد دی ہے۔