برسبین انٹرنیشنل ٹینس، اینڈی مرے اور کرگیوس کا نئے سال میں فاتحانہ آغاز

برسبین (آئی این پی)اینڈی مرے اور نک کرگیوس نے برسبین انٹرنیشنل ٹینس ٹورنامنٹ مینز سنگلز ابتدائی میچز جیت کر نئے سال میں فاتحانہ انداز سے آغاز کیا ہے۔برسبین، آسٹریلیا میں جاری ایونٹ میں کھیلے گئے مینز سنگلز پہلے رائونڈ میچ میں سٹار برطانوی کھلاڑی اور سابق عالمی نمبر ایک اینڈی مرے نے عمدہ کارکردگی کا مظاہرہ کرتے ہوئے آسٹریلوی کھلاڑی جیمز ڈکورتھ کو سٹریٹ سیٹس میں 6-3 اور 6-4 سے ہرا کر ایونٹ میں جاندار انٹری کی، ایک اور میچ میں آسٹریلوی کھلاڑی نک کرگیوس نے حریف امریکن کھلاڑی ہریسن کو سخت مقابلے کے بعد ٹائی بریک پر ہرا کر پری کوارٹر فائنل کیلئے کوالیفائی کیا۔