لاہور(کامرس رپورٹر+ نامہ نگار) فیڈرل بورڈ آف ریونیو نے ود ہولڈنگ سٹیٹمنٹس جمع نہ کرانے پر پنجاب سیف سٹی اتھارٹی کو 3 کروڑ 2 لاکھ 72 ہزار روپے جرمانہ عائد کرنے کیلئے شو کاز نوٹسز جاری کردیئے۔ ایف بی آر ذرائع کے مطابق پنجاب سیف سٹی اتھارٹی نے سال 2017 ء اور سال 2018 ء کے دوران انکم ٹیکس کٹوتی کر کے ادائیگی نہیں کی۔ سال 2017 ء کی ود ہولڈنگ سٹیٹمنٹس جمع نہ کرانے پر سیف سٹی اتھارٹی کو 2 کروڑ 7 لاکھ روپے، 2018ء کی ودہولڈنگ انکم ٹیکس سٹیٹمنٹس جمع نہ کرانے پر سیف سٹی کو 95 لاکھ 72 ہزار روپے جرمانے کا نوٹس جاری کیا گیا۔