واشنگٹن (نیٹ نیوز) امریکی صدر ڈونلڈ ٹرمپ نے کہا ہے کہ اوباما کے گھر کے گرد واقع سکیورٹی دیوار جیسی دیوار ہمیں امریکہ کے گرد بنانی ہے۔ امریکی صدر نے اپنے ٹوئٹر پیغام میں سابق صدر اوباما اور ان کی اہلیہ پر تنقید کرتے ہوئے کہا کہ دس فٹ کی دیوار سابق صدر کے گھر کے گرد موجود ہے، ہمیں بھی امریکہ کے لئے ایسی ہی دیوار کی ضرورت ہے، بس فرق اتنا ہے کہ امریکہ کے گرد بنائی جانے والی دیوار تھوڑی بڑی ہوگی۔ ٹرمپ کا یہ بھی کہنا تھا کہ جس طرح اوباما کے گھر کے گرد دیوار اس کی حفاظت کے لئے ہے اسی طرح امریکہ کے گرد دیوار سے امریکہ کو تحفظ ملے گا۔ دوسری جانب اوباما کے ایک پرانے پڑوسی نے ان کے گھر کے باہر کسی بھی دیوار کے ہونے کی تردید کرتے ہوئے کہا اوباما کے گھر کے اردگرد کوئی دیوار موجود نہیں تاہم ایک آہنی باڑ ضرور ہے جو کہ یہاں ہر گھر کے باہر لگا ہے۔