جسٹس محمد قاسم خان آج ملتان میں مختلف منصوبوں کا افتتاح‘ وکلاء سے خطاب کرینگے

ملتان(سپیشل رپورٹر)چیف جسٹس لاہور ہائیکورٹ آج ضلع کچہری ملتان میں کچہری توسیع سمیت دیگر منصوبوں کا افتتاح کریں گے۔ چیف جسٹس محمد قاسم خان آج ملتان کچہری میں وکلاء  سے خطاب بھی کریں گے۔چیف جسٹس ملتان بار کے ساتھ کوٹ ادو بار اور مظفر گڑھ کچہری میں بھی دورہ کریں گے۔ چیف جسٹس کے دورے کے حوالے سے سکیورٹی کے سخت انتظامات کئے گئے ہیں۔