خضدار(نامہ نگار)جھالاوان کے قبائلی شخصیت سردار زادہ الحاج میر کلیم اللہ خان ساسولی ہزاروں سوگواروں کی موجودگی میں آہو سسکیوں کے ساتھ بزرگ ہستی شاہ کمال کے پہلو میں سپردخاک کر دیا گیا۔ قبل ازیں ان کا جسدِ خاکی کراچی سے بڑے قافلے کے صورت میں خضدار زیدی پہنچایا گیا اور زیدی کے مرکزی عیدگاہ زیدی میں مرحوم کی نماز جنازہ ادا کی گی۔ نماز جنازہ حافظ محمد صادق ساسولی نے پڑھائی۔ میرعبدالرحمن ہوتمانزئی ساسولی وڈیرہ عطاء محمد ساسولی میر ذوالفقار ساسولی منیر احمد قمبرانی میر ذاکر باجوئی انجینئر لیاقت بلوچ سمیت ہزاروں کی تعداد میں سرداران و قبائلی شخصیات مختلف قبائل سے تعلق رکھنے والے عمائدین سماجی رہنماء  اور مختلف مکتبہ فکر سے تعلق رکھنے والے کے مختلف سیاسی جماعتوں کے عہدیداران عوامی نمائندوں علماء کرام صحافی حضرات اور عوام الناس نے بڑی تعداد میں نماز جنازہ میں شرکت کی۔