نیشنل جوڈو چمپئن شپ، سندھ گرلز اینڈ بوائز جوڈوٹیم پشاور روانہ 

کراچی (اسپورٹس رپورٹر)پشاور میں منعقدہ  27 ویں مین اور 10ویں ویمنز قومی جوڈو چمپئن شپ میں حصہ لینے کے لئے منیجر امبر نذیر اور کوچ عروج فاطمہ کی قیادت میں سندھ مینز اورویمنز ٹیم پشاور روانہ ہوگئی سندھ جوڈو ایسوسی ایشن کے صدر میجر ریاض محمود لغاری اور سیکریٹری محمد رفیق نے ٹیم کو رخصت کرتے ہوئے کامیابی کے لئے نیک خواہشات کا اظہار کیا اور اْمید ظاہر کی ہے کہ قومی چمپئن شپ میں سندھ کے کھلاڑی نمایاں کارکردگی کا مظاہرہ کرکے سندھ کا نام بلند کرینگے۔سندھ ٹیم میں 40کلو گرام میں انوشہ رفیق،48کلو گرام میں ماہ نور,52کلو گرام میں صبور سیف اللہ،57کلو گرام میں آرزو خان جبکہ سندھ مینز ٹیم میں 50کلو گرام میں معیز خان،52کلو گرام میں حامد،66کلو گرام میں معیز،73کلو گرام میں معاذ،100کلو گرام میں معین الرحمن اور اوپن کٹیگری میں شہنشاہ شامل ہیں جبکہ ٹیم کی منیجر امبر نذیر اور کوچ عروج فاطمہ ہوں گی۔
نیشنل جوڈو چمپئن شپ