سجاس کا آئندہ دوسال کی مدت کیلئے انتخابات 15 جنوری میں کرانے کا اعلان 

کراچی (اسپورٹس رپورٹر)سجاس نے ائندہ دوسال کی مدت کے لئے انتخابات 23-2022، بروز ہفتہ 15 جنوری کو کرانے کا اعلان کردیا۔سجاس کی سالانہ جنرل کونسل 2020 کا انعقاد کے ایچ اے اسپورٹس کمپلیکس میں کیا گیا،صدر آصف خان کی صدارت میں ہونے والے اجلاس میں شرکاء نے گزشتہ جنرل کونسل کے کاروائی کی منظوری دینے کے ساتھ بجٹ 20-2021 کی بھی متفقہ منظوری دیدی، سیکریٹری سجاس اصغر عظیم نے سالانہ کارکردگی رپورٹ پیش کی جس پر ممبران نے اپنے اطمینان کا اظہار کیا۔ سیکریٹری سجاس نے ائندہ انتخابات 23-2022 سینئر صحافی و الیکشن کمشنر عطا محمد تبسم کی نگرانی میں ہفتہ 15جنوری 2022 کو کرانے کا اعلان کیا۔ جس پر ممبران نے عطا محمد تبسم کی الیکش کمشنر کی حیثیت سے تقرری کا خیر مقدم کیا۔