میکسیکو(نیٹ نیوز) میکسیکو ایئرپورٹ پر چار انسانی کھوپڑیاں برآمد کرلی گئیں۔ حکام کا کہنا ہے یہ کھوپڑیاں ایک پارسل کے ذریعے امریکا بھیجی جا رہی تھیں۔ میکسیکو نیشنل گارڈ کے مطابق انسانی کھوپڑیاں ایک ڈبے میں رکھی ہوئی تھیں جن پر المونیئم فوائل چڑھی ہوئی تھی۔یہ پیکج مغربی ساحلی ریاست میچوواکین سے امریکی ریاست جنوبی کیرولائنا بھیجا جا رہا تھا۔حکام نے بتایا انسانی باقیات کی دوسرے ملک منتقلی کیلئے ہیلتھ اتھارٹی سے خصوصی اجازت نامہ درکار ہوتا ہے۔