ہالانی(نامہ نگار)ڈی ایس پی محراب پور کا ریڈر مسلح افراد کی فائرنگ میں معجزانہ طور پر محفوظ، سراغ رساں کتوں کی مدد سے دو افراد گرفتار، سیال آباد پولیس چوکی کی حدود بھوگڑی شاخ سیال موری پر ڈکیتی کی نیت سے کھڑے نامعلوم مسلح افراد کی فائرنگ میںپولیس ریڈر بیٹے سمیت معجزانہ طور پر محفوظ رہا، رابطہ پر حنیف ملک نے بتایا کہ وہ بیٹے سمیت سیال آباد گھر جارہے تھے کہ تاک میں بیٹھے ہوئے مسلح افراد نے فائرنگ کردی، وہ معجزانہ طور پر محفوظ رہے، رابطہ پر ایس ایچ او مجیب الرحمن ناریجو نے بتایا کہ سراغ رساں جاسوسی کتے منگوائے جن کی شناخت پرگاؤں الن جعفری سے قربان جعفری اور ایک نامعلوم شخص کو گرفتارکرلیا ہے جن سے تحقیقات کی جارہی ہے،آخری اطلاع تک واقعے کا مقدمہ داخل نہیں ہوا تھا۔