ڈگری (نامہ نگار) ڈگری کے نواح میں ردی کے ٹرک میں اچانک آگ بھڑک اٹھی۔ تفصیلات کے مطابق ڈگری کے قریب میرواہ روڈ پر شمس ٹاؤن کے سامنے ردی کے ٹرک میں اچانک آگ بھڑک اٹھی جسے ڈرائیور نے حاضر دماغی سے سڑک کنارے لیجاکر الٹا کے باہر نکل آیا ۔ جس سے کوئی بڑا نقصان نہیں ہوا ،ٹرک ڈرائیور محمد راشد کے مطابق وہ جھڈو سے ردی لوڈ کر آرہا تھا جب اس نے ڈگری سے کراس کررہا تھا اسے اندازہ ہوا کہ اس کے ٹرک کے پیچھے ردی میں سے چنگاریاں اڑ رہی ہیں جس پر میں نے ٹرک کو سڑک کنارے لیجاکر الٹا دیا اور خود باہر نکل آیا تاکہ نقصان نہ ہو۔  آگ کی اطلاع کے بعد فائر برگیڈ کی گاڑی موقع پر پہنچی اور آگ پر قابو پایا جب تک آگ نے ٹرک کو کافی نقصان پہنچادیا تھا۔