ریسکیو اہلکاروں کی دُھند اور سموگ میں محتاط ڈرائیونگ پر آگاہی واک

حافظ آباد (  نمائندہ نوائے وقت)بانی و سیکرٹری پنجاب ایمرجنسی سروس ڈیپارٹمنٹ  کی خصوصی ہدایت پر اور ڈسٹرکٹ ایمرجنسی آفیسرعدنان نواز کاہلوں کی زیر نگرانی دُھند اور سموگ کے دوران محتاط ڈرائیونگ اور حادثات سے محفوظ رہنے کے لیے آگاہی واک کی گئی. روڈ سیفٹی کے حوالہ سے کی جانے واک کے دوران  ریسکیو اہلکاروں اور ریسکیو سکاؤٹس نے ملکر لوڈر رکشوں، ٹریکٹر ٹرالیوں، گدھا گاڑیوں اور  رات کے اوقات میں سفر کرنے والی گاڑیوں کے پیچھے ریفلیکٹنگ ٹیپ لگائی گئی۔ تا کہ آگے جانے والی گاڑیوں کو بہ آسانی دیکھا جا سکے. روڈ سیفٹی آگاہی واک میں ریسکیو افسران نے عوام کو ہدایت کی کہ دُھند اور رات کے اوقات میں روڈ سیفٹی سے متعلق گائیڈ لائنز پر عمل پیرا ہوتے ہوئے سفر کریں تاکہ آپ اپنی اور دوسروں کی  زندگیوں کو محفوظ بنا سکیں۔