گوجرانوالہ (نمائندہ خصوصی )ایمپلائز ویلفیئر ایسوسی ایشن گوجرانوالہ بورڈ  کے الیکشن میں جانباز گروپ ایک بار پھر کامیاب ہوگا ۔ اپنے موجودہ دور میں یوٹیلیٹی الائونس منظور کروایا ہیے اب انشا اللہ یوٹیلیٹی الائونس کی موجودہ  شرح میں سو فیصد اضافہ کروایا جائے گا، بورڈ ملازمین کے بچوں کی شادی پہ شرح قرض بلا تفریق پانچ لاکھ کروائی جائے گی، ہائوس رینٹ الائونس کی شرح فیڈرل بورڈ کی طرذ پہ 65فیصد کروائی جائے گی، ملازمین کے علاج معالجے کے لیے پینل ہسپتالوں کو براہِ راست ادائیگی رائج کروائی جائے گی  ان خیالات کا اظہارا ایسوسی ایشن کے امیدوار برائے صدرسید سبطین عباس، امیدوار برائے جنرل سیکرٹری میاں ذوالفقار احمد ، امیدوار برائے سینئر نائب صدر طارق محمود انصاری ، امیدوار نائب صدور محمد بشیر انجم ، عظیم اللہ ، امیدوار ڈپٹی جنرل سیکرٹری طارق عبداللہ ، امیدوار سیکرٹری نشرواشاعت محمد اشرف گجر،امیدوار جائنٹ سیکرٹری یاسر رشید سلہریا اور امیدوار ایڈیشنل سیکرٹری عدنان یوسف گجر نے اجلاس سے خطاب کرتے ہوئے کیا۔