نارنگ منڈی(نمائندہ نوائے وقت)شہربھرمیں جگہ جگہ گندگی کے ڈھیرنالیاں اور گٹر ابل پڑے گلیاں دریاؤں کا منظرپیش کرنے لگیںخودساختہ مہنگائی کا طوفان ناجائز تجاوزات کی بھرمار چیف آفیسر بلدیہ کی ناقص کارکردگی پر شہری برہم سیاسی نمائندوں نے بھی منہ موڑ لیا ہمارا کوئی پرسان حال نہیں چیف سیکرٹری پنجاب سے نوٹس لینے کا مطالبہ تفصیل کے مطابق گندگی کے وجہ سے شہر ویرانی کا منظر پیش کرنے لگا جگہ جگہ کوڑے کرکٹ کے ڈھیر نالیاں ابل پڑیں بدبواور تعفن سے سانس لینا محال ہو چکا محلہ رحمان پارک میں سیوریج کے ناقص انتظامات نالیوں کا پانی گھروں میں داخل ہونے لگا مسجد جانے والے نمازیوں اور سکول جانے والے بچوں کوبھی شدید مشکلات کاسامناکرناپڑرہاہے ریل بازار میں سیوریج کا گندا پانی خریداری کیلئے آنے والوں کیلئے پریشانی کاباعث ہے انڈرگراؤنڈ سیوریج کے پائپ بند بازارسے گزرنابھی محال ہوچکاہے۔ شہریوں نے گفتگو کرتے ہوئے کہا دوکاندار اشیاء خوردونوش کی من مانی قیمتیں وصول کر رہے ہیں ناجائز تجاوزات کی وجہ سے بازاروں شاہراہوں سے گزرنا ناممکن ہو چکا۔