لاہور(سپورٹس رپورٹر)قومی سنوکر چیمپئن شپ کی سیمی فائنل لائن ا پ مکمل ہوگئی۔ شان نعمت، اویس اللہ منیر، شاہد آفتاب اور سلطان محمد سیمی فائنل کھیلیں گے۔پہلے کوارٹر فائنل میں شان نعمت نے  بلوچستان چیمپئن عادل اے جبا ر کو پانچ ایک سے ہرایا۔دوسرے کوارٹر فائنل میں اویس منیر اللہ نے سابق عالمی جونیئر امیچر چیمپئن نسیم اختر کو مات دی ۔ تیسرے کوارٹر فائنل میں شاہد آفتاب نے آکاش رفیق کو پانچ دو کے فریم سے ہرایا۔چوتھے کوارٹر فائنل میں سلطان محمد نے سربْلند خان کو شکست دی ۔چیمپئن شپ کے سیمی فائنلز آج کھیلے جائیں گے ۔شان نعمت کا مقابلہ اویس منیر اللہ سے ہوگا۔شاہد آفتاب اور سلطان محمد مدمقابل آئیں گے۔