لاہور (سپورٹس رپورٹر) جناح اسلامیہ کالج ٹاؤن شپ لاہور کی سالانہ سپورٹس میلہ اپنی تمام تر رعنائیوں کے ساتھ اختتام پذیر ہوگئی۔ سب سے پہلے رنگارنگ افتتاحی تقریب کا آغاز محمد احمد ICS-I کی تلاوت قرآن پاک سے ہوا۔ فضا میں غبارے اور کبوتر چھوڑے گئے۔ اس موقع پر کالج ہذا کے پرنسپل محمد یونس مغل نے طلبا و طالبات کو مبارک باد دی کہ وہ 45 ویں سالانہ سپورٹس گالا میں شریک ہیں۔ اس سپورٹس گالا میں دو دنوں میں طلبہ نے بھرپور شرکت کی۔ کرکٹ، ریس، بیڈمنٹن اور رسہ کشی کے دلچسپ مقابلے دیکھنے کو ملے۔بی بی اے تھرڈ کی ٹیم مارخور نے پہلی بار یہ ٹورنامنٹ جیتا اور ٹرافی کی حقدار قرار پائی۔ محمد سجاد مین آف دی میچ بلال کھوکھر نے بیسٹ بائولر ، زمین سلیم نے بیسٹ فیلڈر کی شیلڈ اپنے نام کی۔