پرائم منسٹرٹیبل ٹینس ٹیلنٹ ہنٹ یوتھ سپورٹس لیگ کے افتتاحی روزپانچ میچوں کا فیصلہ ہوگیا

لاہور (سپورٹس رپورٹر) پرائم منسٹر ٹیبل ٹینس ٹیلنٹ ہنٹ یوتھ سپورٹس لیگ کے افتتاحی روز 5 میچوں کا فیصلہ ہوگیا۔یونیورسٹی آف سائنس اینڈ ٹیکنالوجی میر پور کے زیر اہتمام جاری ٹورنامنٹ میں بوائز مقابلوں میں میرپور اور اسلام آباد جبکہ گرلز مقابلوں میں اسلام آباد اور میرپور نے اپنے اپنے میچز جیت لئے۔ایونٹ کی افتتاحی تقریب کے مہمان خصوصی یونیورسٹی آف سائنس اینڈ ٹیکنالوجی میر پور کے وائس چانسلر بریگیڈیئر (ر) ڈاکٹر یونس جاوید سمیت یونیورسٹی آف سائنس اینڈ ٹیکنالوجی میر پور کے ڈائریکٹر سپورٹس عابد حسین عابد، پاکستان سپورٹس بورڈ کے اسسٹنٹ ڈائریکٹر (سہولیات) چوہدری محمد اشرف اور انٹرنیشنل ٹیبل ٹینس امپائر قدوسیہ راجہ اور شائقین کی کثیر تعداد بھی موجود تھی۔