فیروزوالہ:وارداتیں،شہری لاکھوں کی نقدی ،قیمتی سامان سے محروم

 فیروزوالہ( نامہ نگار) ڈاکے اورچوریاں ڈاکو نے شہریوں اور دکانداروں کو لوٹ لیا ڈاکوؤں نے مزاحمت پر 2 افراد کو زخمی کر دیا ۔تھانہ فیکٹری ایریا کی آبادی چٹھہ کالونی میں ڈاکوؤں نے تاجر مدثر حسین کے گھر کی دیواریں پھلانگ کر اہلخانہ کو یرغمال بنا کر 8لاکھ روپے نقدی 35 لاکھ روپے مالیت طلائی زیورات، موٹرسائیکل،3قیمتی موبائل 1عدد لائسنسی پسٹل اوراے ٹی ایم کارڈ لوٹ کرفرار ہو گئے۔ کوٹ عبدالمالک کے قریب2مسلح موٹرسائیکل سواروں نے غلام مرتضی سے ایک لاکھ روپے رقم اور 2 موبائل چھین کر لے گئے۔ دوران ڈکیتی مزاحمت پر ملزمان نے گولی ما کر مرتضی کو شدید زخمی کردیا ۔ خانپور نہر کے قریب2مسلح ڈاکوؤں نے گن پوائنٹ پر راشد سے موٹرسائیکل، نقدی اور موبائل چھین کرفرار ہوگئے۔ تھانہ سٹی مریدکے کے علاقہ جی ٹی روڈ پر پیٹرول پمپ پر کام کرنیوالے محبوب احمد سے یوسف نامی ملزم نے سوتے میں اٹھاکر ہینڈزپ کروا کر لوٹنے کی کوشش کی مزاحمت پر ملزم یوسف کو پکڑ کرلوگوں نے تشدد کا نشانہ بنا کر پولیس کی تحویل میں دیدیا۔اسی تھانہ کی حدود میں افسرملز روڈ پر2مسلح ڈاکوؤں نے ناصر علی اس کی موٹرسائیکل اور نقدی چھین کرفرار ہوگئے۔لاہور روڈ پر ڈاکوؤں نے عمران سے6لاکھ روپے نقدی موبائل چھین کرفرار ہوگئے۔ نامعلوم چوروں نے مختلف مقامات سے 6 موٹر سائیکلیں اور2 دکانوں کے تالے توڑ کر ہزاروں روپے مالیت کا قیمتی سامان چوری کر کے لے گئے۔