آئیے فلاحی پاکستان کی تعمیر کیلئے آگے بڑھیں: بلاول ‘سال نو پر پیغام

اسلام آباد (نوائے وقت رپورٹ) چیئرمین پیپلز پارٹی بلاول بھٹو زرداری نے کہا ہے کہ ہم نئے سال کا آغاز کر رہے ہیں تو آئیے مزید فلاحی پاکستان کی تعمیر کیلئے آگے بڑھیں ایک ایسا دیس جہاں سبسڈی اشرافیہ کی بجائے براہ راست غریبوں کو ملیں ایک ایسا دیس جہاں ریاست شہریوں کو بنیادی حقوق مثلاً بہتر تعلیم، طبی سہولیات مفت فراہم کرے جہاں ہم ترقی کے ذریعے پسماندہ افراد کو بااختیار بنائیں نہ کہ ان کا استحصال کریں ایسے مستقبل کی جانب بڑھیں جہاں رنگ، نسل، عقیدے کی تفریق کے بغیر عوام کیلئے کام کریں آئیں اس سال کو عوام کے سال کے طور پر منائیں گے۔